Aqmola oblysynda habar-osharsyz ketken 10 jasar qyzdy taksı júrgizýshisi tanyp, polısııa qyzmetkerlerine habarlady, dep jazady Egemen.kz Polisia.kz-ke silteme jasap.
16 shildede jergilikti turǵyn Qosshy qalasynyń polısııa bólimine júginip, onyń 10 jasar qyzy úıden ketip qalǵanyn jáne onyń qaıda ekenin anyqtaı almaǵanyn habarlady.
«Aqparat túsken boıda polısııa bóliminiń jeke quramy kámeletke tolmaǵandy izdeýge baǵyttaldy. Polıseıler jasóspirimniń bolýy múmkin oryndar men mekenjaılardy tekserdi. Tártip saqshylary joǵalǵan qyzdyń fotosýretteri bar habarlamalardy áleýmettik jelige jarııalady. Sodan birneshe saǵat ishinde qyzdyń ornalasqan jeri anyqtaldy, jasóspirimdi taksı júrgizýshisi tanyp qalǵan. Belgili bolǵandaı, serýendeýge shyqqan qyz adasyp qalǵan. Jasóspirim taksı júrgizýshisine qońyraý shalýǵa ótinish jasady. Sol sátte WhatsApp-tan kelgen habarlamany kórgen júrgizýshi is-túzsiz joǵalǵan kámeletke tolmaǵan qyzdy tanyǵan. Er adam bul týraly polıseılerge dereý habarlady», delingen habarlamada.
Aıta keteıik, jasóspirimge qatysty eshqandaı zańsyz áreketter jasalmaǵan.