Jetisý oblysyndaǵy balabaqshalarda qaýipsizdik salasyndaǵy kóptegen zańbuzýshylyq anyqtady, dep habarlaıdy Egemen.kz Jetisý oblysynyń prokýratýrasyna silteme jasap.
Jetisý oblysynyń prokýratýrasy bilim berý mekemelerinde balalar úshin qaýipsiz ortany qamtamasyz etýge teris áser etken 200-den astam zańbuzýshylyqty anyqtady.
Máselen, Sarqan, Qaratal jáne Panfılov aýdandaryndaǵy 12 balabaqshanyń janynda jaıaý júrginshiler ótkelderi men "Balalar" belgileri joq.
- Sarqan jáne Alakól aýdandaryndaǵy eki balabaqshanyń aýmaǵy tolyq qorshalmaǵan, bul bógde adamdardyń balabaqshalar aýmaǵyna kedergisiz kirýine múmkindik berdi.
Panfılov aýdanynyń 55 jeke balabaqshasynda "Shaqyrý dabyl túımesi" júıesi joq. 40 balabaqshada órt qaýipsizdigin habarlaý júıesi jumys istemeıdi, al eki balabaqshada olar múldem bolmady. Alakól, Eskeldi jáne Sarqan aýdandarynyń jeti balabaqshasynda beınebaqylaý kameralarynyń kópshiligi jumys istemeıdi.
Aqsý, Sarqan aýdandary men Tekeli qalasynyń 9 balabaqshasy óz qyzmetin merzimi ótken sanıtarlyq qorytyndylar negizinde júzege asyrdy. Al keıbir jaǵdaılarda merzimi ótken medısınalyq preparattar saqtalǵan. Aqsý aýdanynyń 8 balabaqshasynda ishek taıaqshalary tabyldy, - delingen habarlamala.
Eńbek zańnamasynyń (QR Eńbek kodeksiniń 26-baby) talaptaryna qaıshy, oblystyń balabaqshalarynda buryn qasaqana qylmys jasaǵany úshin qylmystyq jaýapkershilikke tartylǵan 11 adam jumys istegen.
Sonymen qatar, prokýrorlar Kerbulaq aýdanynyń balabaqshalarynda jalpy somasy 25 mıllıon teńgeden astam bıýdjet qarajatyn jymqyrý derekterin anyqtady, olar boıynsha sotaldy tergeý bastalǵan.
Barlyq anyqtalǵan zańbuzýshylyqtar boıynsha olardy joıý týraly 22 qadaǵalaý aktisi engizildi, 40 adam ákimshilik jaýapkershilikke, 7 adam tártiptik jaýapkershilikke tartyldy.