Álemge tanymal ánshi Dımash Qudaıbergen qytaılyq Hýnan telearnasynyń «Singer 2024» vokaldyq baıqaýynyń fınalynda óner kórsetedi, dep habarlaıdy Egemen.kz.
Weibo basylymynyń habarlaýynsha, «Singer 2024» fınaly 26 shildede tikeleı efırde kórsetiledi. Baıqaý sharty boıynsha birinshi kezeńde fınalǵa shyqqandar arnaıy shaqyrylǵan ánshilermen dýette án shyrqaıdy.
Ekinshi kezeńge joldama alǵan tórt ánshiniń eń úzdigi anyqtalady.
Aıta keteıik, Dımash Qudaıbergen fınaldyń basynda qurmetti qonaq retinde sahnaǵa shyǵyp, «Singer 2024» qatysýshysy Shante Torreın Mýrmen birge án shyrqaıdy.
Buǵan deıin, otandyq ánshi Rýhııa Baıdúken «Singer 2024» baıqaýynyń 8-shi kezeńinde óner kórsetip, kelesi kezeńge óte almaǵan edi.
Eske sala keteıik, Dımash Qudaıbergen «Singer 2017» baıqaýynda júldeli ekinshi oryn alǵan edi.