Elde balanyń densaýlyq pasporty elektrondy nusqaǵa aýystyrylady, dep habarlaıdy Egemen.kz.
24.KZ saıtynyń málimetine qaraǵanda, bul qujatty balasy mektepke ne balabaqshaǵa baratyn ata-analar mindetti túrde toltyryp, tapsyrýy tıis. Onlaın júıege medısınalyq málimetter engiziledi. Sıfrly jobanyń taǵy qandaı artyqshylyǵy bar? Balanyń elektrondy densaýlyq pasporty ata-anany eń aldymen qaǵazbastylyqtan aryltady. Onlaın júıede profılaktıkalyq ekpeler men skrınıngterdiń qorytyndysy jazylady. Qazir dárigerler bilim berý uıymdaryna baratyn balalardyń qujatyn toltyryp jatyr.
- Mektepke nemese balabaqshaǵa baratyn balanyń densaýlyq qujaty onlaın túrde daıyn bolady. Oǵan barlyq medısınalyq málimet engiziledi. Sondyqtan bul óte yńǵaıly júıe dep sanaımyz, - deıdi qalalyq emhananyń medbıkesi Lıýdmıla Zelınskaıa.
Bul medısınalyq derekterdiń joǵalyp ketpeýine de múmkindik beredi, - deıdi dárigerler.
- Bul forma negizi 18 jasqa deıingi balalardyń barlyǵyna beriledi. Soǵan oraı ata-analardy balalaryńyzdyń ýaqytyly profbaıqaýlar men profılaktıkalyq ekpelerdi ýaqytyly ótýlerin suraımyz. О́ıtkeni barlyq aqparattar sol 52/2 formasyna tolyq engiziledi - deıdi qalalyq emhananyń pedıatrııa bólimshesiniń meńgerýshisi Aınur Ábil.
Densaýlyq pasportyn sırflandyrý jobasy tamyz aıynda tolyq iske qosylady. Bıyl ony elimiz boıynsha mektepke baratyn 380 myń bala tapsyrady.