Sıfrlyq damý, ınnovasııalar jáne aeroǵarysh ónerkásibi mınıstrligi «Hubble Network» jáne «Astranis» kompanııalarynyń basshylyǵymen kezdesti.
AQSh-qa jumys sapary aıasynda mınıstr Jaslan Mádıev «Hubble Network» kompanııasynyń negizin qalaýshy ári atqarýshy ókili Aleks Haromen, sondaı-aq «Astranis» kompanııasynyń ókilderimen kezdesti. Olar ǵaryshtyq tehnologııalar men spýtnıktik kommýnıkasııalar salasyndaǵy yntymaqtastyq keleshegin talqylady. Sonymen qatar «Hubble Network» kompanııasymen elimizdiń aýmaǵynda IoT-qurylǵylardy ornalastyrý boıynsha qanatqaqty jobany iske qosý týraly kelisimge qol qoıdy.
Kompanııanyń sheshimderin paıdalaný – senimdi baılanys pen derektermen almastyryp, qamtamasyz ete otyryp, elimizdiń barlyq óńirinde IoT-qurylǵylardy qoldanýyn edáýir keńeıtýge múmkindik beredi. Sonymen qatar munaı jáne gaz salalaryndaǵy datchıkter men júk vagondaryn trekkıngke qoldaný josparlanyp otyr.
Sondaı-aq otandyq delegasııa «Astranis» kompanııasynyń óndiristik qýattarymen tanysty. Kezdesý sheńberinde taraptar «lızıng» modeli boıynsha «Astranis» apparatyn paıdalaný múmkindigine muqııat taldaýdy júrgizýge kelisti, bul elimizdiń spýtnık óndirisine júzdegen mıllıon dollar ınvestısııalaý qajettiliginsiz derekterdi berýdiń joǵary jyldamdyqty spýtnıktik baılanys arnalaryn uıymdastyrý qajettiligin jabýǵa múmkindik beredi.
Eske sala keteıik, «Hubble Network» – Bluetooth qurylǵylaryn uıaly baılanyssyz qosý úshin ǵalamdyq spýtnıktik jeli quratyn kompanııa. Al «Astranis» – shaǵyn geostasıonarlyq baılanys spýtnıkterin ázirleýge jáne óndirýge mamandanǵan kompanııa.