18 shildede tarazdyq 3 turǵyndy aldap soqqan kúdikti Qazaqstan-Qyrǵyzstan shekarasynda qolǵa tústi, dep jazady Egemen.kz.
Taraz qalasy prokýratýrasy ustalǵan kúdikti Reseı Federasııasynyń «R» esimdi azamaty ekenin málimdedi. Ol osy jyldyń sáýir-mamyr aıynda sybaılastarymen birge azamattardyń senimine kirip, ártúrli nómirlerden qońyraý shalyp, «Ekinshi deńgeıdegi bankterdiń qaýipsizdik qyzmetiniń jumyskerleri» jáne «quqyq qorǵaý organdarynyń qyzmetkerleri» retinde tanystyryp, alaıaqtar jábirlenýshiniń atynan nesıe almaqshy ekenin aıtqan.
Ustalǵan kúdikti osy shemamen «WhatsApp» áleýmettik jelisiniń beınebaılanysy arqyly zańsyz áreket jasap ózgeniń atynan nesıe resimdegen. Onyń jábirlenýshilerge keltirgen shyǵyny 19 mıllıon teńgeni quraǵan.
Kúdikti memlekettik shekara beketinen Qyrǵyz Respýblıkasyna qaraı ótý kezinde ustaldy.
Qazir tergeý amaldary júrip jatyr.