Qyrǵyzstan sportshysy bokstan Olımpıada tarıhynda alǵash ret júldege qol jetkizdi. 57 kelide synǵa túsip jatqan Munarbek Seıitbekuly shırek fınalda AQSh boksshysyn utyp, kelesi kezeńge ótti, dep habarlaıdy Egemen.kz.
Qyrǵyz boksshysy irikteý kezeńderinde Kýba boksshysy Saıdel Nortany 3:2, AQSh boksshysyn 5:0 esebimen jeńip otyr. Endi ol jartylaı fınalda Japonııa jáne Bolgarııa boksshylary jubynyń jeńimpazymen ózara myqtyny anyqtaıdy.
Aıta ketetin jaıt, Munarbek Seıitbekuly byltyr Tashkentte ótken álem chempıonatynda qola júldege ıe boldy. Osylaısha, ol Qyrǵyzstan boks tarıhynda álem birinshiliginen júlde ıelengen alǵashqy boksshy atanǵan. Endi ol bul jetistikti Olımpıadada qaıtalap, kem degende qola júldeni enshilep otyr.
Atalǵan boksshy – ázirge qyrǵyz sportshylary arasynda júldege qol jetkizgen alǵashqy atlet. Sonymen birge, Parıj Olımpıadasyna Qyrǵyzstannyń 17 sportshysy joldama ıelengen.