Astanada 8 tamyzda daýyl turyp, burshaq jaýdy. Qolaısyz aýa raıynan Air Astana áýekompanııasyna tıesili 4 ushaq zaqymdanǵan. Bul týraly kompanııanyń baspasóz qyzmeti habarlady, dep jazady Egemen.kz.
Qazir áýekompanııa ınjenerleri zaqymdanǵan ushaqtardy tekserip, jóndep jatyr. Al jóndeý jumystary birneshe kúnge sozylmaq. Osyǵan baılanysty Air Astana áýekompanııasy reısterdiń keshigýi múmkin ekenin málimdedi.
«Jolaýshylarymyzdan áýejaıǵa jol tartpas buryn reıs statýsyn áýekompanııa saıtynda tekserýlerin suraımyz», delingen Air Astana taratqan habarlamada.