Búgin Úkimet otyrysynda otandyq farmasevtıkadaǵy kompanııalardy qoldaý sharalary qaraldy. Osy baǵytta júrgizilip jatqan jumystar týraly Densaýlyq saqtaý mınıstri Aqmaral Álnazarova baıandady, dep habarlady Egemen.kz.
«2024 jyldyń 1 jartyjyldyǵynyń qorytyndysy boıynsha otandyq farmasevtıkalyq ónim óndirý kólemi 95 mlrd teńgege deıin ulǵaıdy, ósim 14,5%-dy qurady», dedi Aqmaral Álnazarova.
Mınıstrdiń aıtýynsha, búgingi tańda 35 qazaqstandyq óndirýshimen 4 myńǵa jýyq farmasevtıkalyq ónim túrin jetkizýge 94 uzaq merzimdi shart jasalǵan. Úsh jyl ishinde uzaq merzimdi sharttar sheńberinde tolyq kólemge kezeń-kezeńmen shyǵý josparlanǵan.
Sondaı-aq jyl sońyna deıin ózge 24 otandyq óndirýshilermen uzaq merzimdi sharttardyń jasalýy arqyly 1 412 dárilik zattar men medısınalyq buıymdardyń jetkizilýi qarastyrylyp jatyr.
«Dárilik zattardy satyp alý kezinde otandyq óndirýshiler úshin preferensııalar belsendi paıdalanylady. Máselen, osy tetikti paıdalana otyryp, bıylǵy alty aıda 29,5 mlrd teńgege 196 dári-dármek túrleri jetkizildi», dep atap ótti Aqmaral Álnazarova.