Jumyssyz qalǵan azamattar jyl basynan beri Memlekettik áleýmettik saqtandyrý qorynan 46 mlrd teńgeden astam járdemaqy aldy, dep habarlaıdy Egemen.kz.
Eńbek jáne halyqty áleýmettik qorǵaý mınıstrliginiń habarlaýynsha, 2024 jylǵy 1 tamyzdaǵy jaǵdaı boıynsha Memlekettik áleýmettik saqtandyrý qorynan (budan ári – MÁSQ) jumysynan aıyrylýyna baılanysty áleýmettik tólem alýshylardyń sany 198,5 myń adamdy quraǵan. Bul rette bıyl 148,9 myń adamǵa tólem alǵash ret taǵaıyndalǵan. Tólemderdiń jalpy somasy 46,5 mlrd teńgeni qurady.
Aıta keteıik, qoldanystaǵy zańnamaǵa sáıkes jumystan bosatylǵan jumyskerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólemder alady. Tólem joǵalǵan kiristiń 45%-yna deıingi mólsherde MÁSQ qarajaty esebinen júzege asyrylady.