Ánshi, Qazaqstannyń halyq ártisi Dımash Qudaıbergen Túrkistanda júr, dep habarlaıdy Egemen.kz.
Otyrar.kz jazǵandaı, ol óńirdegi Aqmeshit úńgirinde beınebaıan túsirmekshi.
Túrkistan ákimi Darhan Satybaldy óner ıesimen arnaıy kezdesip, qurmet kórsetti.
Dımash Qudaıbergenniń ózi Túrkistannyń jańa keıpine tańǵalynyn aıtty.
- Túrkistannyń jańa keıpine, ózgeriske tańǵaldym. Unap jatyr barlyǵy. Es bilgeli alǵash ret kelýim, erekshe áser aldym. Eldiń osyndaı ádemi shaharda turyp jatqanyn, eńsesi kóterilip jatqanyn kórgenime qýanyp otyrmyn. Túrkistan búginde túrki áleminiń týrıstik astanasyna aınalyp, dúnıe júzine tanylyp jatyr. Eń bastysy elimiz tynysh bolsyn! Qalalarymyz álemge tanylyp, halqymyzdyń dúnıetanymy, rýhanııaty kókjıegi keńeıe bersin!, – dedi Dımash Qudaıbergen.