Bul aktıvterdiń jalpy somasy baǵalaýdy eskergende, 50 mlrd teńgeden asady. Qazirgi tańda 18 mlrd teńgege aktıvter qaıtaryldy. Olardyń qatarynda Almatydaǵy 2 iri bıznes ortalyǵy, kommersııalyq jyljymaıtyn múlik jáne Astananyń bedeldi aýdanyndaǵy elıtalyq úı bar.
Q.Satybaldyulynan tintý barysynda alynǵan 95 myń AQSh dollary Arnaıy memlekettik qorǵa aýdaryldy.
Sonymen qatar júzdegen mıllıon teńgege eksklıýzıvti zergerlik buıymdar, brendtik saǵattar, kolleksııalyq monetalar jáne basqa da sándi buıymdar (kólemi 174 ataý bar) memleketke qaıtaryldy.
Birikken Arab Ámirlikterinen jalpy quny 192 mln teńgeni quraıtyn Rolls-Royce Cullinan jáne Aston Martin markaly kólikter túrindegi aktıvter qaıtaryldy.
Jalpy somasy 33 mlrd teńgeni quraıtyn Q.Satybaldyuly men onyń jaqyndaryna tıesili sheteldik múliktiń tapsyrylýy aıaqtalý satysynda.
Olarǵa: Dýbaı qalasyndaǵy quny 20 mlrd teńge turatyn eki baǵaly vılla; Fransııanyń Kókshil jaǵalaýyndaǵy quny 4 mlrd teńge turatyn tórt elıtalyq páter; quny 5 mlrd teńge turatyn Reseıdiń Máskeý qalasyndaǵy bedeldi turǵyn úı keshenderindegi 15 jyljymaıtyn múlik; quny 4 mlrd teńgeden astam Túrkııanyń Bodrým jáne Ystanbul qalalaryndaǵy eki elıtalyq vılla jáne páter jatady.
Basqa isterdi eskere otyryp, Q.Satybaldyuly 2,5 jyl ishinde memleketke 783 mlrd teńgege aktıvterdi qaıtardy.