8-13 qyrkúıekte Astana qalasynda 5-shi Dúnıejúzilik kóshpeliler oıyndary ótedi. Osy dúbirli dodada baq synaıtyn Qazaqstan kókparshylary kókbóri oıynyna daıyndyǵyn pysyqtap jatyr. Bul týraly Ulttyq sport qaýymdastyǵy habarlady, dep jazady Egemen.kz.
Oıyn qarsańynda kókparshylar Almaty oblysynda kókpar jáne kókbóri oıyndary boıynsha oqý-jattyǵýǵa jınaldy.
Kókpardan ulttyq qurama múshesi Naýryzbaı Qaltaev baıraqty básekege daıyndyq barysyn baıandap, kókpar men kókbóriniń aıyrmashylyqtaryn aıtty.
«5-shi Dúnıejúzilik kóshpeliler oıyndaryna daıyndyǵymyz joǵary deńgeıde ótip jatyr. Eki sporttyń aıyrmashylyǵy taım sanynda – kókbóride úsh taım oınalady, al kókparda ekeý. Kókbóride qazandyqqa, al kókpar jerge syzylǵan sheńberde oınalady. Kókbóri saıysyna ár komandadan 12 adam qatysady», dedi Naýryzbaı Qaltaev.
Sportshylardyń sheberligin shyńdaý úshin Kókpar federasııasy tájirıbeli keńesshilerdi de shaqyrtqan.
«Dúnıejúzilik kóshpeliler oıyndary aıasynda kókpar jáne kókbóri oıyndary ótedi. Qazir sportshylardyń daıyndyqtary jaqsy. Basty qarsylas retinde Qyrǵyzstan men О́zbekstandy aıtar edim. Biz kókpardan jeńisimizge senimdimiz, al kókbóri oıynynan múmkindikterimiz teń dárejede. Biraz jyldan beri kókbóri oınaǵanymyz joq. Dese de jeńis úshin barlyq múmkindigimizdi paıdalanamyz», dedi kókpardan ulttyq quramanyń bas bapkeri Aqylbaı Mankeev.
Aıta keteıik, Astanada ótetin básekege álemniń 89 elinen 2000-nan astam sportshy qatysady dep josparlanǵan.