Elimizde 20 tamyz ben 30 qyrkúıek aralyǵynda pılottyq aýyl sharýashylyǵy sanaǵy ótedi, dep jazady Egemen.kz.
Pılottyq aýyl sharýashylyǵy sanaǵy 54 eldi mekendi qamtıdy.
Sanaqty Ulttyq statıstıka bıýrosynyń aýmaqtyq bólimsheleriniń qyzmetkerleri júrgizedi. Oǵan zańdy tulǵalar, olardyń qurylymdyq bólimsheleri, sharýa jáne fermer qojalyqtaryn qosa alǵanda, jeke kásipkerler, sondaı-aq aýyl sharýashylyǵy qyzmetin júzege asyratyn úı sharýashylyqtary qatysady.
Saýalnamany 20 tamyz ben 30 qyrkúıek aralyǵynda sanaq.gov.kz saıtynda toltyrýǵa da bolady.
Ulttyq statıstıka bıýrosy úı sharýashylyqtaryna arnaıy kıingen (aq qalpaq pen onyń jeke basyn kýálandyratyn beıdjy bar) jáne qolynda planshety bar ıntervıýerler baratynyn eskertti.