Endi ata-analar men zańdy ókilder eGov.kz portaly arqyly balany bir mektepten ekinshisine onlaın aýystyra alady, dep habarlaıdy Egemen.kz «Ulttyq aqparattyq tehnologııalar» AQ baspasóz qyzmetine silteme jasap.
Jalpy bilim beretin uıymdy izdeý jáne tańdaý prosesi ata-ananyń tirkelgen jeri boıynsha mıkroaýmaqqa ońtaılandyrylǵan.
«Ata-analar tek shaǵyn aýdandaǵy mektepti ǵana emes, onyń sheginen tys kez kelgen basqa bilim berý uıymyn (eger olardyń qalaýlaryna sáıkes kelse) tańdaı alady. Qajet bolǵan jaǵdaıda ótinish berýshi berilgen ótinishti keri qaıtaryp ala alady», dep habarlady Ulttyq aqparattyq tehnologııalar ortalyǵy.
Bilim berý uıymyn tańdaý úshin:
- eGov.kz portalyna kirip, «Bilim» bólimine ótińiz;
- Tizimnen «Orta bilim» bólimin tańdańyz, «Balalardy mektepten mektepke aýystyrý úshin qujattardy qabyldaý» qyzmetin tańdańyz;
- Qajetti joldardy toltyrý jáne elektrondyq qoltańbany paıdalanyp ótinishke qol qoıý;
Qyzmet nátıjelerin Jeke kabınette kóre alasyz.