Qazaqstan Prezıdenti Ákimshiliginiń kelisimimen jáne SQO ákiminiń ókimimen Júsip Jumaǵulov Soltústik Qazaqstan oblysy ákiminiń orynbasary bolyp taǵaıyndaldy. Jańa laýazymda ol ishki saıasat, mádenıet, bilim, din jáne jumyspen qamtý máselelerine jetekshilik etedi. Bul týraly oblys ákimdiginiń baspasóz qyzmeti habarlady, dep jazady Egemen.kz.
Júsip Jumaǵulov 1992 jyly 30 qyrkúıekte Almatyda dúnıege kelgen. Ol Qazaqstandyq menedjment, ekonomıka jáne boljaý ınstıtýtyn (KIMEP), Maqsut Narikbayev University (MNU) jáne Nazarbaev Ýnıversıtetin bitirgen, Prezıdenttik jastar kadr rezerviniń múshesi.
Eńbek jolyn «Astana – jańa qala» arnaıy ekonomıkalyq aımaǵyn ákimshilendirý basqarmasynda qoǵamdyq qyzmetker retinde bastady. 2016 jyldan 2019 jylǵa deıin «Din problemalaryn zertteý ortalyǵy» KMM basshysynyń orynbasary jáne elordanyń qoǵamdyq damý isteri basqarmasy basshysynyń orynbasary qyzmetterin atqardy. 2020 jyly Astana ákimi apparaty basshysynyń orynbasary boldy. 2022 jyldyń aqpan aıynan bastap Saryarqa aýdanynyń ákimi, al 2023 jyldyń sáýir aıynda Astana qalasy Nura aýdanynyń ákimi bolyp taǵaıyndaldy.