Oqý-aǵartý mınıstri 2024-2025 oqý jylynda sońǵy qońyraý qashan bolatynyn aıtty, dep habarlaıdy Egemen.kz.
Nazarbaev Ýnıversıteti bazasynda ótken muǵalimderdiń respýblıkalyq tamyz sammıti aıasynda Oqý-aǵartý mınıstri Ǵanı Beısembaevqa «Sońǵy qońyraý 25 mamyrdan 1 maýsymǵa aýystyryla ma?» degen suraq qoıyldy.
Jýrnalıstiń suraǵyna jaýap bere otyryp mınıstr sońǵy qońyraý basqa kúnge aýystyrylmaıtynyn aıtty.
«Joq aýystyrylmaıdy. Buıryq shyǵyp úlgerdi jáne ol jerden barlyq demalys kúnderin kóre alasyzdar, sondaı-aq oqý jylynyń aıaqtalý ýaqyty da ózgerissiz qaldy», dep jaýap berdi mınıstr.