Densaýlyq saqtaý mınıstrliginiń sanıtarııalyq-epıdemıologııalyq qyzmeti Astana jáne Almaty halyqaralyq áýejaılarynda maımyl sheshegi sııaqty karantındik jáne asa qaýipti ınfeksııa belgileri bar adamdardy anyqtaý boıynsha oqý-jattyǵý ótkizdi, dep jazady Egemen.kz.
Oqý-jattyǵý kezinde sanıtarııalyq-epıdemıologııalyq, shekaralyq, kedendik, sondaı-aq áýejaı, jelilik polısııa bólimi, áýejaıdyń medısınalyq pýnkti, jedel medısınalyq kómek jáne medısınalyq uıymdardyń ózara is-qımyly pysyqtaldy.
Oqý-jattyǵý barysynda shartty túrdegi maımyl sheshegin juqtyrǵan naýqas anyqtaldy. Personal jolaýshydan aýrý belgilerin anyqtaýdan bastap ony aýrýhanaǵa jatqyzýǵa jáne qajetti epıdemııaǵa qarsy jáne dezınfeksııalyq sharalardy júrgizýge deıingi is-sharalardyń tolyq sıklin ótkizdi.
Shara nátıjesinde semınar-keńes ótkizilip, onda ár qyzmettiń is-qımyly talqylanyp, mekemelerdiń ózara is-qımylyn kúsheıtý boıynsha usynystar engizildi.