Joldardyń buzylýyna yqpal etetin negizgi faktorlardyń biri — ruqsat etilgen massany buza otyryp, aýyr kólikterdiń ótýi. Máselen, Astanada 6300-ge jýyq samosval tirkelgen. Olar qala mańyndaǵy 29 karerden ınertti júkterdi tasymaldaıdy, dep habarlaıdy Egemen.kz.
Joldardyń buzylýyn aldyn alyp, baqylaý barysynda adamı faktordy boldyrmaý maqsatymen avtomattandyrylǵan ólsheý stansııalary Pavlodar, Qaraǵandy, Qostanaı, Kókshetaý, Qosshy qalalary men Qaraótkel jáne Malotımofeevka kentteri jaǵynan qalaǵa kireberis joldarda ornatylǵan.
«Avtomattandyrylǵan ólsheý stansııalary qyrkúıek aıynda iske qosylady. Qalaǵa kiretin barlyq júk kóligi adamnyń qatysýynsyz avtomatty túrde ólshenetin bolady. Zań júk kótergishtigi 12 tonnadan asatyn avtomobılderdi ólsheý stansııalary arqyly ótýge mindetteıdi, al aınalma jol arqyly júrip ótý nemese ólsheýden bas tartý sáıkesinshe tirkelip otyrady. Bul rette zań talaptaryn buzǵany úshin ákimshilik jaza qarastyrylǵan. О́lsheý jumystary kólik quraldarynyń qozǵalysy kezinde júzege asyrylady», dep habarlady Kólik mınıstrliginiń baspasóz qyzmeti.
Mınıstrlik atalǵan sharalardy júzege asyrý arqyly avtomobıl joldarynyń merziminen buryn buzylýy men tozýyn boldyrmaý, aýyr jáne iri kólemdi kólik quraldarynyń qozǵalysyn sapaly baqylaýdy qamtamasyz etpek. Sondaı-aq kóliktik baqylaýdy júzege asyrý kezinde oryn alyp otyrǵan sybaılas jemqorlyq táýekelderin barynsha azaıtý máselelerin sheshýge nıetti.