«Din máseleleri boıynsha bilikti mamandar daıarlaý» jobasy aıasynda Almaty oblysynda aqparattyq-túsindirý toptarynyń múshelerine arnalǵan oqytý semınarlary men trenıngteri ótti, dep habarlaıdy Egemen.kz.
Bıylǵy jyldyń 22-23 tamyzynda Qonaev qalasyndaǵy Mádenıet úıiniń májilis zalynda Qazaqstan Respýblıkasy Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Sharaǵa «Din zertteý ortalyǵynyń», meshitterdiń, orta jáne joǵary oqý oryndarynyń jáne t.b. mamandary, ımamdary, psıhologtary men teologtary qatysty. Jıynda din máseleleri boıynsha túsindirý tobynyń músheleri – Zań ǵylymdarynyń professory. QR terrorızm jáne ekstremızm máselelerin zertteý ortalyǵynyń QQ basshysy Bıshmanov Kákimjan Muratjanuly jáne teatr pedagogy, kórkemsóz oqý sheberi, joǵary kategorııaly kásibı dıktor Abzelbaev Murat Naztaıuly semınar oqydy.
Abzelbaev Murat Naztaıuly «Til tehnıkasy. Sóz áreketiniń elementteri. Oratorlyq ónerdiń negizderi» taqyrybynda sóıleý tehnıkasyn meńgerýdiń tıimdi joldaryn atap ótip, durys tynys alýdy, únniń qulaqqa jaǵymdy, sózdiń, býynnyń ashyq, aıqyn bolýyna septigin tıgizetin tásildermen bólisti.
Bıshmanov Kákimjan Muratjanuly «Qazaqstannyń din týraly zańnamasy. Zaıyrlylyq – memlekettik júıeniń jáne ulttyq qaýipsizdik týraly tuǵyry, dinı senim bostandyǵy týraly túsinik» taqyrybynda jahandyq jaǵdaıdaǵy terrorızm men dinı ekstremızmge qarsy kúrestiń quqyqtyq negizderin toqtala otyryp, kelesi kezekte «Zaıyrlylyq jáne zaıyrlylyq memleket uǵymy, úni, sıpaty, máni. Zaıyrlylyq jáne dinı zaıyrlylyq etıka negizderi» taqyrybynda din salasyndaǵy memlekettik saıasattyń negizgi baǵyttaryn, prınsıpterin qatysýshylarǵa túsindirdi.
Sonymen qatar semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.