Qutqarýshylar taýda jaraqat alǵan boıjetkendi evakýasııalady, dep habarlaıdy Egemen.kz.
Almaty oblysynyń Qarasaı aýdanynda 1999 jyly týǵan boıjetken aıaǵynan jaraqat alyp, ózdiginen taýdan túse almaı Respýblıkalyq jedel-qutqarý jasaǵy qyzmetkerleriniń kómegine júgindi, dep málimdedi Tótenshe jaǵdaılar mınıstrligi.
- Qutqarýshylar jábirlenýshige jaıaý jetip, medısınalyq kómek kórsetip, ony 4,5 km aldymen qoldarynda ustap, keıin zembilmen avtojolǵa deıin jetkizdi, – dep tolyqtyrdy vedomstvo.
Osylaısha, qutqarýshylar týrısti taýdyń etegine túsirgennen keıin aýrýhanaǵa odan ári tasymaldaý úshin Apattar medısınasy ortalyǵynyń brıgadasyna tabystady.
TJM taýdaǵy qaýipsizdik sharalaryn saqtaý kerektigin eske salady.