Memleket basshysy Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýy aldaǵy ýaqytta atqarylýy tıis negizgi mindetterdi aıqyndap, zor jaýapkershilikti júktedi. Endi aldymyzda úlken jaýapty mindet tur, dep jazady Egemen.kz.
Árbir turǵynnyń senimin aqtaýǵa turatyn tujyrymdama, Zań daıyndalýy tıis jáne kúrmeýli máselelerdi sheshýde batyldyq jáne tabandylyq tanytýymyz qajet dep sanaımyn.
«Sonda ǵana biz elimizdiń áleýetin kúsheıte alamyz. Ol úshin kez kelgen istiń basty ólshemi tıimdilik bolýǵa tıis. Iаǵnı, árbir sheshim, árbir joba eń aldymen elge paıdaly bolýy qajet», degendi basa aıtty Prezıdent.
Joldaýda qamtylǵan máseleler depýtattyq saýaldarǵa negiz bolyp, óńirlerdi aralap, turǵyndarmen kezdesýlerde qozǵalǵan túıtkildiń ońtaıly sheshilýine septigin tıgizedi dep sanaımyn. Árıne, máseleni sheshýdiń tetikterin izdeý úshin óndiris kólemin ulǵaıtý jáne ekonomıka salalaryn keńeıtý josparlaryn taldaý qajet. Bul jóninde Parlament qabyrǵasynda Zań men tártiptiń ústemdigin ornyqtyrý úshin keshendi sharalar qabyldanyp, jumystar atqarylýda.
Ekonomıkany damytýda strategııalyq baǵyttyń durys qurylýy kóp iske jol ashqandyǵyn kórip otyrmyz. Sol kóp istiń eń mańyzdylarynyń biri ınfraqurylymnyń damýy bolyp otyr. Iаǵnı, Memleket ınfraqurylymnyń negizgi róli bolyp tabylatyn kólik, energetıka, sý jáne áleýmettik ınfraqurylymdy belsendi damytýdy jalǵastyrýda. Jaıly mektepterdiń, temirjol magıstraldary men avtomobıl joldarynyń qurylysyn sapaly aıaqtaýǵa basa nazar aýdaryldy. Kem degende 10 myń shaqyrymdy qamtıtyn oblysaralyq jáne aýdanaralyq avtojoldardy ortasha jóndeý baǵdarlamasyn masshtabtaý tapsyryldy. Úkimet jyl sońyna deıin energetıka jáne kommýnaldyq sektorlardy jańǵyrtý jónindegi jańa ulttyq jobany qabyldaýy tıis degen mańyzdy máselerdi atap aıtty. Odan bólek, energetıkalyq sektor, transporttyq ınfraqurylym, týrızm, sý saıasaty, agroónerkásiptik keshen, ónerkásip, energetıkalyq sektor, sıfrlandyrý da nazardan tys qalmady. Árbir sala mańyzdy.
Tek tabysty iske asyrýdy qamtamasyz etý úshin barlyq deńgeılerde qýatty saıası qoldaýdy qamtamasyz etý, vedomstvoaralyq ózara is-qımyldy jandandyrý, sondaı-aq memlekettik jáne jeke sektorlar arasyndaǵy yntymaqtastyqty tereńdetý qajet. Mundaı keshendi strategııa Qazaqstanda ınfraqurylym júıesin basqarýdyń turaqty jáne fýnksıonaldyq shemasyn qurýǵa yqpal etetin bolady. Bul – ulttyq ekonomıkanyń turaqtylyǵy men órkendeýiniń kepili.
Janbolat JО́RGENBAEV,
Parlament Senatynyń depýtaty