Tanymal ánshi Maqpal Júnisova "Altaıdyń ar jaǵynan kelgen arý" ániniń shyǵý tarıhyn aıtyp, vıdeo jarııalady, dep habarlaıdy Egemen.kz.
Bul týraly ánshi áleýmettik jelidegi paraqshasynda jazdy.
- 1989 jyly osy ánniń avtory, marqum Tursynǵazy Rahym arnaıy meni telearnaǵa shaqyrdy. Sol ýaqytta aǵamyz telearnada qyzmette bolatyn. "Maqpaljan, osy ánniń tusaýyn óziń kesip ber" dedi. Al men "Oıbý, aǵa! Bul jigitter aıtatyn án ǵoı. "Altaıdyń ar jaǵynan kelgen jigit" dep jazǵanyńyzda aıtar edim" dep kúldim. Biraq kelisimimdi berip: "Aǵa, bir aptadan soń "Qazaqkonsertte" bir konsert bolady. Sonda oryndap, tusaýyn kesip bereıin" dedim. Ol kisi qatty qýandy. 1990 jyly radıoǵa jazýymdy ótindi, artynsha Germanııada meniń alǵash lazerli taspam shyqty. Soǵan osy án endi. Keıinnen Jetisaıda gastrolde júrgende bir qara tory Sáken Qalymov degen jigit maǵan kelip, osy ándi oryndaǵysy keletinin aıtty. Men birden "Iá, bul ándi jigit oryndasa, tipten jaqsy bolady» dep, ruqsat ettim. Sodan Sáken Qalymov "Tamashanyń" sahnasynda estradaǵa laıyqty óńdep, aıtyp shyqqan soń ánniń baǵy janǵan edi. Tynyshbaı aǵamyz da ómirden razy bolyp ótti, - dep jazdy Maqpal Júnisova.