Bıyl Soltústik Koreıada iri sý tasqyny bolǵan edi. El úkimeti tabıǵı apattan kelgen shyǵyn men eleýli zalalǵa jaýapty 20-30 sheneýnikti ólim jazasyna keskeni belgili boldy, dep habarlaıdy Egemen.kz Yonhap-qa silteme jasap.
«Soltústik Koreıa bıligi ótken aıdyń sońynda 30-ǵa jýyq memlekettik qyzmetkerdi ólim jazasyna kesti. Mundaı jazaǵa kesilgenderdiń arasynda oblys ákimderi deńgeıindegi sheneýnikter de bar», delingen Ońtústik Koreıanyń buqaralyq aqparat quraldarynda.
Yonhap málimetteri boıynsha, Ońtústik Koreıanyń ulttyq barlaý qyzmeti atalǵan jaǵdaıdy muqııat qadaǵalap otyr.
Aıta keteıik, sý tasqynyna ulasqan nóser jańbyr 1,5 myńǵa jýyq adamnyń ómirin qıdy.