Qyzylorda oblysy Jańaqorǵan aýdandyq soty 200 mln teńgeden astam bıýdjet qarajatyn jymqyrǵan toǵyz adamǵa qatysty úkim shyǵardy, dep habarlaıdy Egemen.kz oblystyq prokýratýranyń baspasóz qyzmetine silteme jasap.
Sotqa deıingi tergep-tekserý amaldaryn oblystyq prokýratýra júrgizgen. Sot talqylaýy barysynda memlekettik aıyptaýshy bilim berý júıesinde jumys istemeıtin tulǵalardyń esepshotyna zańsyz aqsha aýdarylǵanyn dáleldegen.
«Qylmystyq is boıynsha negizgi aıyptalýshylar bas bostandyǵynan aıyrylsa, qalǵan 7 sybaılastyń býhgalterlik qyzmetpen aınalysý quqyǵy shektelip, shartty túrde sottaldy. Keltirilgen shyǵyn ishinara óteldi», dep habarlady oblystyq prokýratýranyń baspasóz qyzmeti.
Sot úkimi zańdy kúshine engen joq.