Astanada 8-13 qyrkúıek aralyǵynda ótetin V Dúnıejúzilik kóshpeliler oıyndarynan shamamen 400 sheteldik BAQ habar taratady, dep habarlaıdy Egemen.kz.
BAQ-qa arnalǵan akkredıtasııaǵa jalpy 70 eldiń 1285 medıa ókilinen ótinish túsken. Onyń ishinde 933 qazaqstandyq, 352 sheteldik jýrnalıster. Olardyń arasynda CNN, BBC, Euronews jáne t.b. álemdik jetekshi aqparat quraldarynyń ókilderi de bar.
V Dúnıejúzilik kóshpendiler oıyndary kezinde "Qazmedıa" ortalyǵynda baspasóz ortalyǵy jumys isteıdi. Bul ortalyqta ashylý saltanatynan tikeleı efır kórsetiledi. Álemdik standarttarǵa saı kóshpendiler oıyndarynyń ashylý saltanatyna BAQ ókilderi qatyspaıdy. Ashylý saltanaty 8 qyrkúıek kúni 19:00-de bastalady.
5-shi Dúnıejúzilik kóshpendiler oıyndarynda 21 sport túrinen 97 medal jıyntyǵy sarapqa salynady.
Búginde sporttyq jarystarǵa barlyǵy 89 elden 2430 qatysýshy tirkeldi. Onyń ishinde, jattyqtyrýshylar, sportshylar, mádenı jáne ǵylymı jobalarǵa qatysatyn adamdar kiredi.