Aqtaýda qaza tapqan sarbazdyń ákesi Qorǵanys mınıstrine júgindi, dep habarlaıdy Egemen.kz.
Mańǵystaý oblysynda jaralanǵan sarbazdyń ákesi Qorǵanys mınıstriniń atyna vıdeoótinish joldady. Er adam ulynyń jazataıym oqıǵadan qaza tappaǵanyn aıtady.
«Jalǵyz ulym áskerge tirideı baryp, tabytpen qaıtty.
Aqtaý qalasynyń áskerı okrýgine bara jatyrmyn. Ulymdy tapanshamen betinen atyp tastaǵan. Bul oqys oqıǵa deıdi. Ofıser qarýmen oınap otyryp, ol aıaqastynan atylyp ketken deıdi.
Men Qorǵanys mınıstrinen bul istiń jazataıym oqıǵa retinde qarastyrylmaýyn suraımyn. Bul jazataıym oqıǵa emes: tapanshadan atý úshin patronyn salyp, saqtandyrǵyshtan alyp tastap, shúrippeni basý kerek. Bul oınaıtyn oıynshyq emes. Qazir ony qamaýǵa aldy deıdi. Isti toqtatqysy kelýi múmkin. Men bárin muqııat zerttegim keledi», - dedi sarbazdyń ákesi.
Er adamnyń aıtýynsha, ol tergeý komıtetine baryp, ary qaraı ulynyń denesin ekspertızadan ótkizýge nıetti.
Aıta keteıik, osyǵan deıin merzimdi qyzmetin ótkerip júrgen sarbaz aýyr jaraqattan soń qaıtys bolǵany habarlandy.