Almaty oblysynda 19 jastaǵy úsh týrıst taý shyńynan túsip kele jatyp adasyp ketken, dep habarlaıdy Egemen.kz.
Olar Býkreev shyńyna kóterilip, tómen túsip kele jatqanda baıqaýsyzda soqpaq joldan shyǵyp ketip, adasyp qalǵan. Telefon baılanysy ustaıtyn jerden qutqarýshylardy shaqyrǵan. Taý soqpaqtaryn zerttep almaı, baǵyttan jańylǵandarǵa TJM qyzmetkerleri kómekke kelgen.
TJM habarlamasynda: «Respýblıkalyq jedel-qutqarý jasaǵynyń qutqarýshylary kınologııalyq esep tobymen birge kómek suraýshylardyń geolokasııasy boıynsha taýǵa kóterilip, kórsetilgen orynnan taba almady. Jigitter óz kúshterimen túsýge sheshim qabyldaǵan eken, qutqarýshylar olardy izdep taýyp, jaqyn aıaldamaǵa deıin aman-esen jetkizdi», delingen.