Qaraǵandy oblysynda Osakarov aýdanynyń balyqshylary qutqaryldy. Olar jaǵaǵa óz betimen jete almaǵan, dep jazady Egemen.kz.
Oqıǵa Osakarov aýdanyndaǵy Molodejnyı kentinen 17 shaqyrym jerde, Sátbaev kanalynyń 10-shy sý torabynda bolǵan.
Qatty jeldiń saldarynan qaıyqtaǵy eki balyqshy jaǵalaýdan 500 metrge uzap ketken.
Olar qutqarýshylardyń kómegine júgingen.
«Qutqarýshylar shaqyrtý ornyna jetip, balyqshylarmen birge qaıyqty jaǵaǵa aman-esen jetkizdi. Eshkim zardap shekken joq», delingen Tótenshe jaǵdaılar mınıstrliginiń habarlamasynda.
Mınıstrlik, turǵyndardy jeldi aýa raıy kezinde sý qoımalaryna shyqpaýdy jáne qaıyqqa mingen kezde mindetti túrde qutqarý keýdeshesin kııý kerektigin eskertedi.