5-shi Dúnıejúzilik kóshpeliler oıyndarynyń jabylý saltanaty 13 qyrkúıek kúni saǵat 16:00-de Mádenıet jáne aqparat mınstrliginiń uıymdastyrýymen «Etnoaýyl» ulttyq-mádenı kesheninde ótedi, dep habarlaıdy Egemen.kz vedomstvonyń baspasóz qyzmetine silteme jasap.
Aıta keteıik, Dúnıejúzilik kóshpeliler oıyndary kóshpeli halyqtardyń etnıkalyq sporty men mádenı murasyn nasıhattaý maqsatynda ótkizilip jatyr. Alǵashqy oıyndar 2014 jyly Cholpon-Atada (Qyrǵyz Respýblıkasy) ótti. Sodan beri kóshpeliler mádenıetiniń jahandyq mańyzyn aıqyndaǵan is-shara eki jyl saıyn ótkizilip keledi.
5-shi Dúnıejúzilik kóshpeliler oıyndarynyń jabylý saltanaty barysynda Qazaqstannyń eńbek sińirgen qaıratkerleri: Qaraqat Ábildına, Qaırat Baekenov, Gúlsim Myrzabek, halyqaralyq jáne respýblıkalyq konkýrstardyń laýreattary: Marat Aıtymbaı, Madı Syzdyqov jáne taǵy basqa óner juldyzdary tanymal estradalyq ánder men halyq kompozıtorlarynyń shyǵarmalaryn oryndaıdy.Budan bólek, «Naz» memlekettik bı teatry jáne Erkeǵalı Rahmadıev atyndaǵy Memlekettik akademııalyq fılarmonııasy, «Qambarqan» folklorly-etnografııalyq ansambli (Qyrǵyz Respýblıkasy) jáne «Melomen» toby qatysady.
Eske sala keteıik, jalpy esepte Qazaqstan qorjynynda 29 altyn, 17 kúmis, 25 qola júlde bar.