Arab úılestirý toby elimizdegi jobalarǵa 7 mlrd dollar qarjy quımaq. Bul týraly Astanada ótken Islam damý banki, Saýd Arabııasynyń damý qory, OPEK halyqaralyq damý qory, Kýveıt ekonomıkalyq damý qory jáne Abý-Dabı damý qory syndy ınstıtýttardy biriktiretin Arab úılestirý tobynyń otyrysynda málim boldy.
Kezdesýdiń basty maqsaty – elimizdegi basymdyqqa ıe ınfraqurylymdyq jáne áleýmettik jobalardy qarjylandyrý.
Is-sharaǵa Premer-mınıstrdiń orynbasary – Ulttyq ekonomıka mınıstri Nurlan Baıbazarov, Islam damý banki tobynyń prezıdenti Muhammed Súleıman Ál-Djasser, Arab ınvestısııalyq qorlary men elimizdiń memlekettik organdary ári kvazımemlekettik kompanııa basshylary qatysty.
Keńesti qorytyndylaı kele taraptar OPEK qorymen jeke sektordaǵy operasııalar týraly negizdemelik mámilege keldi. Kelisim boıynsha el ekonomıkasyna uzaqmerzimdi tikeleı ınvestısııa quıylady. Bastapqy kezeńde ol 7 mlrd dollardy quraýy múmkin.
Bolashaqta qarjylandyrý kólemin ulǵaıtý da josparlandy. Delegasııa ókilderi elimizdiń áleýmettik-ekonomıkalyq jáne ınfraqurylymdyq damý jónindegi kúsh-jigerine joǵary baǵa berdi. Nurlan Baıbazarov kelgen qonaqtarǵa elimizdiń ınvestısııalyq múmkindigine qyzyǵýshylyq tanytqany úshin alǵys bildirdi.