Búgin 5-shi Dúnıejúzilik kóshpeliler oıyndary máresine jetti. Nátıjesinde ulttyq qurama 44 altyn, 33 kúmis, 37 qola medalmen jalpy komandalyq esepte birinshi orynǵa jaıǵasty, dep habarlaıdy Egemen.kz.
Aıta keteıik, Dúnıejúzilik kóshpeliler oıyndarynyń sońǵy jarys kúni otandastarymyz 12 altyn, 9 kúmis, 10 qola júlde enshiledi. Osylaısha jalpy esepte Qazaqstan quramasy 44 altyn, 33 kúmis, 37 (114) qola júldemen komandalyq esepte top jardy.
Qyrǵyzstan quramasy 18 altyn, 21 kúmis, 25 (64) qola medal jeńip alyp, ekinshi orynǵa jaıǵasty.
Al úshinshi oryndy О́zbekstan quramasy ıelendi. Olardyń enshisinde 11 altyn, 12 kúmis, 11 (34) qola medal bar.
Tórtinshi oryn 11 altyn, 10 kúmis, 25 qola medal jeńip alǵan Reseı quramasyna buıyrdy.
Bestikti 2 altyn, 2 kúmis, 2 qola medalmen Túrkııa quramasy enshiledi.
Eske sala keteıik, dúbirli dodaǵa 89 elden kelgen 2 430-ǵa jýyq sportshy qatysyp, 21 sport túrinen júldelerdi sarapqa salǵan edi.