Qyrkúıek aıynda ótken is-sharalardyń nátıjesinde elimizge kelgen sheteldik týrıster sany 597 myńǵa jetken. Onyń 68 myńy elimizge Astana jáne Almaty halyqaralyq áýejaılary arqyly, qalǵandary avto jáne temir jol kóligimen kelgen, dep habarlaıdy Egemen.kz QR Týrızm jáne sport mınıstrliginiń baspasóz qyzmetine silteme jasap.
Vedomstvonyń habarlaýynsha, sheteldik týrıster sanynyń kóbeıýine yqpal etken negizgi faktorlar – Dúnıejúzilik kóshpeliler oıyndary men tanymal ánshi Dımash Qudaıbergenniń konserti. Atalmysh is-sharalarǵa 89 memlekettiń azamattary kelgen.
«Sheteldik qonaqtar negizinen Qytaı, Reseı, Úndistan jáne Germanııa syndy memleketterden kelgen. Mysaly, Qytaıdan 8 myńnan astam, Úndistannan 6 myńnan astam, Germanııadan 4 myńnan astam saıahatshynyń Qazaqstanǵa kelýi tirkelgen. Álbette, bul derekter Qazaqstanǵa týrıstik baǵyt retinde qyzyǵýshylyqtyń artyp kele jatqanyn kórsetedi», dedi Týrızm jáne sport vıse-mınıstri Erjan Erkinbaev. Vıse-mınıstrdiń aıtýynsha, týrısterdiń edáýir bóligi Germanııa, О́zbekstan, Túrkııa, Qyrǵyzstan, AQSh jáne Ońtústik Koreıadan kelgen. EQonaq júıesi Astanada 12,4 myńǵa jýyq sheteldikti tirkegen. Olardyń turýǵa, kólikke, tamaqtanýǵa jáne oıyn-saýyqqa jumsaǵan jalpy shyǵyndary 15,5 mln AQSh dollaryn nemese 7,5 mlrd teńgeni quraǵan. Alys shetelden kelgen týrısterdiń ortasha shyǵyny 1 500 dollardyń shamasynda bolǵan. Demek, Dúnıejúzilik kóshpeliler oıyndaryna kelýshiler el ekonomıkasyna qosymsha 625 myń AQSh dollaryn qosqan. Aıta keterligi, elordanyń tanymal týrıstik nysandaryna 7-13 qyrkúıek aralyǵynda kelýshiler sany artqan. Qazaqstannyń Ulttyq mýzeıi 14 myńnan astam adamdy qabyldap, «Astana-Báıterek» monýmentine 15 myńǵa jýyq týrıst, al «Nur-Álem» pavılonyna 10 myńǵa jýyq adam barǵan.Sonymen qatar halyqaralyq deńgeıdegi mádenı-sporttyq Dúnıejúzilik kóshpeliler oıyndary Qazaqstannyń týrıstik ımıdjin nyǵaıtý úshin eleýli úles qosqan. Kóshpeliler oıyndarynyń uıymdastyrý komıteti málimdegendeı, etnoaýyldar men oıyndardy kórýge 250 myńnan astam adam kelgen.