Soltústik Qazaqstanda 30 jastaǵy áıel kóligimen jaıaý júrginshini basyp ketti. Sonyń saldarynan qarııa aýrýhanada qaıtys boldy, dep habarlaıdy Egemen.kz.
Oqıǵa Shal aqyn aýdanynyń ortalyǵy Sergeevka qalasynda bolǵan. Kólik qaǵyp ketken 66 jastaǵy áıel aýdandyq aýrýhanaǵa jetkizildi. Alaıda dárigerler qarııanyń ómirin ajaldan arashalap qala almady.
Polıseıler áıeldiń júrgizýshi kýáligi bolmaǵanyn rastady.
«Atalǵan oqıǵaǵa qatysty tergeý bastaldy. QR QK 345 baby (Abaısyzda adam ólimine ákep soqqan kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha is qozǵaldy», — dep málimdedi oblystyq PD baspasóz qyzmeti.
Sondaı-aq kólikti basqarǵan áıel júkti bolǵan.