Memleket basshysynyń tapsyrmasymen QR Oqý-aǵartý mınıstrligi men Aqtóbe oblysynyń ákimdigi «Sıfrlyq tehnologııalardy paıdalanyp Aqtóbe oblysyndaǵy shaǵyn jınaqty aýyl mektepteriniń áleýetin damytý» pılottyq jobasyn júzege asyryp jatyr. Jýyrda oblys ortalyǵynda ótken respýblıkalyq semınarda atalǵan jobanyń qorytyndylary talqylandy, dep habarlaıdy Egemen.kz.
Oqý-aǵartý mınıstrliginiń málimetinshe, jalpy pılottyq joba Aqtóbe oblysy boıynsha 10,5 myńnan astam oqýshy bilim alatyn 134 shaǵyn jınaqty mektepti qamtıdy. Tirek mektepterdiń oqytýshylary sabaq berýde strımıngtik oqytýdyń sıfrlyq sheshimderin qoldanǵan.
Atalǵan jobanyń nátıjesinde mektepterde onlaın oqytý úshin jańartylǵan sıfrlyq kabınetter jáne laboratorııalyq jumystar úshin ǵylym kabınetteri ashylyp, 1000-nan astam pedagog «О́rleý» biliktilikti arttyrý ulttyq ortalyǵy ázirlegen eki bilim berý baǵdarlamasy boıynsha oqyǵan. Y.Altynsarın atyndaǵy Ulttyq bilim akademııasy ǵylymı-ádistemelik súıemeldeýdi júzege asyrǵan.
«Oqý-aǵartý mınıstrligi aýyldyq jáne shaǵyn jınaqty mektepterdi damytý boıynsha júıeli jumystar júrgizýde. Segiz myń mekteptiń 67,4%-y aýyldyq jerlerde, 51,2%-y shaǵyn jınaqty bolyp tabylady. Olardyń basym bóligi Soltústik Qazaqstan, Qostanaı, Aqmola, Pavlodar, Batys Qazaqstan jáne Aqtóbe oblystarynda ornalasqan. Aqtóbe oblysynda júzege asyrylǵan pılottyq jobanyń nátıjesinde aýyl mektepterinde bilim sapasy pen oqytý tıimdiliginiń aıtarlyqtaı artqanyn baıqap otyrmyz. Bul joba joǵaryda atalǵan óńirlerde 2025-2026 jyldarda júzege asyrylady», dep túsindirdi vıse-mınıstr Natalıa Jumadildaeva.
Aıta keterligi, jobany júzege asyrý kezinde mektepterdiń 77,4%-da joǵary jyldamdyqty ınternetke qosý jáne pedagogıkalyq kadrlar tapshylyǵy máselesi sheshimin tapqan. Joba «Qazaqstan halqyna» qorynyń, Bilim berýdi turaqty damytý qorynyń qoldaýymen Aqtóbe oblysynyń ákimdigimen birlesip QR Oqý-aǵartý mınıstrliginiń bastamasymen júzege asyrylǵan.