Prezıdent Joǵary sot keńesiniń tóraǵasy Dmıtrıı Malahovty qabyldady. Kezdesýde Joǵary sot keńesiniń qyzmetin odan ári jetildirý máseleleri, atap aıtqanda sot korpýsyn nyǵaıtýǵa jáne jańartýǵa, Sot tóreligi akademııasyn damytýǵa, sondaı-aq sýdıalardyń tártiptik jaýapkershiligin kúsheıtýge baǵyttalǵan sharalar talqylandy, dep habarlaıdy Egemen.kz Aqordanyń baspasóz qyzmetine silteme jasap.
Dmıtrıı Malahov Sot keńesiniń róli kúsheıip, sýdıalarǵa qatysty kadrlyq máseleniń barlyǵy quzyretine ótkendikten, bıznes-prosester men konkýrstyq irikteýlerdi sıfrlandyrý máselesi kún tártibinde turǵanyn jetkizdi.
Prezıdentke kassasııalyq sottar kelesi jyldyń 1 shildesinen jumysyn bastaıtyny týraly baıandaldy. Oǵan deıin Keńes sýdıalardy iriktep, sot quramyn jasaqtaıdy.
Kezdesý sońynda Memleket basshysy birqatar naqty mindet júktedi.