Aqtóbe oblysynyń prokýratýrasy adam aǵzasyn zańsyz satý áreketin anyqtap, qylmys jasady degen kúdikpen jergilikti turǵyndy ustaǵan, dep habarlaıdy Egemen.kz.
Oblystyq prokýratýranyń habarlaýynsha, áleýmettik jelige monıtorıng júrgizý barysynda qyzmetkerler «E» esimdi azamattyń ishki aǵza múshelerin satý boıynsha zańsyz mámile jasaýy múmkin ekendigi týraly aqparat alǵan.
«2024 jyldyń 25 qyrkúıeginde prokýratýranyń bastamasymen júrgizilgen jedel-izdestirý is-sharasy aıasynda Uıymdasqan qylmysqa qarsy kúres basqarmasynyń qyzmetkerleri óziniń ishki aǵza múshelerin 9 mln teńgege zańsyz mámile jasaý arqyly satpaqshy bolǵan «E» esimdi azamatty ustady», delingen habarlamada.
Atalǵan fakti boıynsha Qylmystyq kodekstiń 116-babynyń 1-bóligimen sotqa deıingi tergep-tekserý amaldary bastaldy.