Para taekvondodan Qazaqstan Respýblıkasynyń ulttyq qurama múshesi, halyqaralyq dárejedegi sport sheberi О́mirali Nyshan Elýbaıulynyń qazasyna qatysty tyń derekter belgili boldy, dep habarlaıdy Egemen.kz.
Parıjdegi jazǵy Paralımpıada oıyndarynyń 5-oryn ıegeri, eki dúrkin álem chempıony Nyshan О́miráliniń neden qaıtys bolǵany belgili boldy. 1 qazanda saǵat 22:15-te "Batys Eýropa – Batys Qytaı" respýblıkalyq tas jolynyń 542-shi shaqyrymynda Túrkistan oblysynan Taraz baǵytynda kele jatqan Nissan Maxima kóliginiń júrgizýshisi túıemen soqtyǵysqan. Sportshy Aısha bıbi aýylynyń irgesindegi kenet jolda kele jatqan túıeni kóredi. Soqtyǵysýdan saqtanýǵa tyrysyp, kúrt burylǵanymen, basqarýdy joǵaltyp, kólik aýdarylyp ketken. Oqıǵa saldarynan júrgizýshi basynan aýyr jaraqattar alyp, aýrýhanaǵa bara jatqan jolda qaıtys bolǵan.
Aıta keteıik, Nyshan О́miráli Jambyl oblysy Taraz qalasynyń týmasy. Ol 17 jasynan sportpen aınalysyp, búgingi kúnge deıin eki dúrkin álem chempıony, Azııa chempıony atandy. Sonymen qatar Azııa oıyndarynyń jáne kóptegen halyqaralyq jarystardyń júldegeri.