Baýyrjan Tólegenuly Álenov Qazaqstan Respýblıkasy Ishki ister mınıstriniń birinshi orynbasary laýazymyna taǵaıyndaldy, dep habarlaıdy Egemen.kz Aqorda baspasóz qyzmetine silteme jasap.
Memleket basshysynyń ókimimen Baýyrjan Tólegenuly Álenov Qazaqstan Respýblıkasy Ishki ister mınıstriniń birinshi orynbasary laýazymyna taǵaıyndaldy.
Baýyrjan Alenov 1976 jyly 8 qarashada Aqmola oblysynda ómirge kelgen.
2004 jyly «Femıda» zań ınstıtýtyn, 2012 jyly Qaraǵandy zań ınstıtýtynyń magıstratýrasyn támámdaǵan. Ishki ister organdaryndaǵy qyzmetin 1997 jyldyń mamyr aıynda bastady.
Ol 2021 jyldyń qańtar aıynan bastap Qazaqstan IIM jedel qyzmet departamentiniń bastyǵy, oǵan deıin Qazaqstan IIM jetinshi departamentiniń bastyǵy bolǵan.
Almaty oblysynyń Polısııa departamentin 2022 jyldyń qańtar aıynan beri basqarǵan.