Aǵa urpaq – asyl qazyna

Búginde Aqmola oblys­tyq ardagerler uıy­my­nyń qu­ra­mynda 113 myńnan astam zeı­net­kerdi biriktiretin 763 bas­taýysh ardagerler uıymy, 3 qa­lalyq, 17 aýdandyq ardagerler ke­ńesi, 5 maıdanger, 1697 tyl eń­­bekkeri, 800-deı Aýǵan so­ǵy­sy­na qatysýshy, budan basqa Chernobyl atom elektr stansa­syn­­daǵy apatty joıýǵa qatysý­shylar bar.

Ardagerler uıymdarynyń jumysy júıeli, josparly túrde júrgiziletinin, olar jer­gilikti atqarýshy organ­dar­dyń udaıy nazarynda turatynyn atap ótý kerek. Jyl saıynǵy Qart­tar aılyǵy kezinde ár kóz­­den materıaldyq kómek kórsetýge qarjy bólinedi. Jalpy, oblysta ótken jylǵy aılyqta 89950 adamǵa 349 mıllıon teńge áleýmettik qoldaý kórsetilgen. Budan basqa, ártúrli arnadan da qarajat tartý qarastyrylǵan. Atap aıtsaq, 13427 adamǵa tegin nemese jeńildikpen dárilik preparattar, 20622 adamǵa azyq-túlik jıyntyqtary, 324 adamǵa qysqy otyn satyp alyndy. Jeke turǵyn úılerin jóndeý, jeńildikpen kommýnaldyq qyzmet aqylaryn tóleý, taǵy basqalaryna da qo­maq­ty qarjy bólingen.

Ardagerler uıymdarynyń belsendileri jyl basynan bergi alty aıda eki myńnan asa aǵa urpaq ókilderiniń turmys jaǵdaıyn zerdeledi, 76 zeınetker sanatorııler men demalys úılerinde em-dom qabyldady. Kókshetaý qalasynyń, birqatar aýdandardyń saýda núk­telerinde halyqtyń tur­my­sy tómen toptaryna arnalǵan áleý­mettik sóreler ashylǵan, tu­raqty jumys isteıdi. Oblystyń aýdandary men qalalarynda tur­mys deńgeıi tómen otbasylar arzan baǵadaǵy otynmen qamtylǵan.

Rýhanı-mádenı is-sharalarǵa da erekshe kóńil bólinedi. Bıylǵy alǵashqy toqsanda ǵana oblystaǵy ardagerler uıym­­da­rynyń qatysýymen 400-den asa ártúrli maqsattaǵy is-shara ótti. 247 zeınetkerge gazet-jýrnaldar jazdyryldy.

Aýdandyq ardagerler keńes­teri jergilikti atqarý organ­daryna súıene otyryp, qart­tar men múgedek­ter­diń muq­taj­dyq­taryn qanaǵat­tan­­dyrýmen aılyq kezinde ǵana emes, jyl boıy aınalysady. Aqkól, Se­lınograd, Esil, San­dyqtaý aýdandarynda kásiporyndar ese­binen uıymdastyrylǵan qart­tarǵa arnalǵan áleýmettik ınternattar júıeli jumys istep keledi. Qazir oblys kóle­min­de birinshi, ekinshi toptaǵy qarttarǵa arnalǵan 5 ardagerler úıi bar. Olarǵa da udaıy kóńil bólinip, ondaǵy qarttardyń turmystyq-áleý­met­tik, rýhanı máseleleri sheshilip otyrady.

Osy turǵyda taıaýda ǵana qu­ryl­ǵan Qosshy qalalyq ardager­ler keńesiniń jumysyn erek­she atap ótken abzal. Munda bar­lyq menshik túrindegi eńbek ujymdarynda, mekemeler men uıymdarda zeınetke shyqqan egde adamdarmen kezdesýler ótkizý ıgi dástúrge aınalǵan. Sol kúnderi olarǵa kóńildi kesh uıymdastyrylyp, ardagerler men múgedekterge qurmet kórsetý konserttik baǵdarlamalarmen, túrli qaıyrymdylyq aksııa­la­rymen qatar júrgiziledi. Sha­r­ýa­­shylyqtar merekelik das­tarqan­daryn jaıyp, azyq-túlik jıyntyqtaryn úlestiredi. Egde adamdarǵa otyn, kómir, dári-dármek alýǵa, páterlerin jón­deý­ge aqshalaı kómek kórsetilip, turmysqa qajet zattar men kıim-keshek tabys etiledi. Taýar óndirýshilerdiń belsendi qaty­sýy­men aýyl sharýashylyǵy ónim­deriniń arzandatylǵan jár­meńkeleri ótkiziledi. Zeınet­aqysy tómenderge, múgedekterge bir rettik aqshalaı járdem kór­setiledi.

Qarttar men múgedektigi bar adamdardy áleýmettik qoldaý jónindegi aılyqty ótkizýdiń is-sharalar josparyna sáıkes barlyq menshik nysanyndaǵy eńbek ujymdarynda qarttarmen kezdesýler ótkizildi, is júzinde barlyq qala men aýdanda mere­kelik quttyqtaýlar uıym­­das­tyryldy, syılyqtar, aq­sha­laı járdemaqylar tabystaldy. Zeı­netkerlik jastaǵy erler men áıel­der arasynda shahmat, doıby týrnıri, «Toǵyzqumalaq» ulttyq oıyny ótkizildi. Jarystyń júldeger­leri men jeńimpazdary gramotalarmen, medaldarmen, baǵaly syılyqtarmen marapattaldy. Kórý, estý, erekshe qajettilikteri bar adamdarǵa arnalǵan merekelik is-shara uıymdastyryldy.

Aılyq kezinde tıisti memle­kettik organdar men mekeme­lerdiń, aýdandyq, qalalyq ardagerler keńesteriniń, basta­ýysh ardagerler uıymdarynyń belsendiligi erekshe artatyny belgili. О́ıtkeni basty maqsat – aǵa urpaq ókilderin áleýmettik-turmystyq turǵydan qorǵaý, olardyń ómirlik belsendiligin arttyrý.

Oblystyq ardagerler ke­­ńe­siniń maqsaty – aǵa býyn ókil­derin áleý­mettik qor­ǵaý, turaqty mo­ral­dyq, materıal­dyq qoldaýmen qatar, elde júrip jatqan qoǵam­dyq-saıası oqıǵa­lardan, másele­ler­den de tys qalmaý.

«Bizdiń rýhanı baǵyttaǵy jumystarymyz negizinen Prezıdent Qasym-Jomart Toqaevtyń Joldaýlaryn, Ult­tyq quryltaıda sóılegen sóz­de­rin keńinen nasıhattaýǵa arnalady. Atalǵan qujattar búkil qoǵamǵa serpilis berip, jalpy eldiń ilgerileý baǵdaryn aıqyndap berdi, onda tereń, halyq kóńilinen shyqqan kele­li oılar aıtyldy. Ásirese eko­no­mıkalyq ózgerister, jańa, ádiletti Qazaqstandy qa­lyp­tas­tyrý jaıy kópke úlken oı saldy. Osyǵan oraı, eldikti nyǵaıtýǵa baǵyttalǵan reformalardy túsindirý men nasıhattaý maqsatynda oblystyq is-sharalar jospary jasaldy, – deıdi ob­lys­tyq ardagerler keńesiniń tóraǵasy Ermek Nuǵymanov. – Prezıdenttiń bıik minberden aıtqan sózde­rin­de aıshyqtalǵan ıdeıalar men qaǵıdattardy iske asyrý máselesi qoǵamnyń barlyq salasyna, onyń ishinde ardagerler birlestikterine de zor jaýapkershilik júkteıdi, bizdiń belsendiligimizdi, jumy­sy­myzdyń nátıjeliligin baryn­sha arttyrýǵa mindetteıdi. Iаǵnı bul iske óz tarapymyzdan shama-sharqymyzsha úles qosýǵa, qoǵam suranystaryna tek paıdaly aqyl-keńesterimizben, usynystarymyzben ǵana emes, múmkindiginshe naqty isteri­miz­ben jaýap berýge tıispiz».

Oblystyq ardagerler keńe­si­niń otyrystarynda atal­ǵan máseleler kún tártibine qo­ıylǵan. Aıtalyq, Eńbek jáne ha­lyqty áleýmettik qorǵaý mı­nıs­­trliginiń «Belsendi uzaq ómir» ulttyq jobasyn júzege asy­rý jónindegi sheshimine oraı, máse­­le tóralqa otyrysynda qa­raldy.

Jalpy, Aqmola oblystyq ardagerler keńesiniń jergilikti jerdegi jumysyn utymdy uıym­dastyryp otyrǵan óńirlik fı­lıaldar qatarynda Aqkól, Atbasar, Zerendi aýdandary men Step­nogor qalasyn atap ótýge bolady.

О́mir jolyn elimizdiń gúldenýi men damýyna arnap, mańdaı terin tókken atalar men ájelerge qurmet kórsetý – búgingi jas býynnyń basty paryzy.

Jasy ulǵaıǵan adamdarǵa eń keregi – ardagerler uıymy men bılik organdary tarapynan aıtylatyn jyly sóz, olardyń eńbekterin qoǵamnyń moıyndaýy, syılastyq kózqaras, senimdi qarym-qatynas. Sondyqtan al­daǵy ýaqytta osy máselelerge basa nazar aýdarǵan abzal.