Arheolog Zeınolla Samashevtyń jetekshiligimen 1999 jyly Jylyoı aýdanyndaǵy Araltóbe qorǵanynan elimizdegi ekinshi «Altyn adam» tabylǵan. Qazir arheolog osy óńirdegi ortaǵasyrlyq Saraıshyq qalashyǵynyń tarıhyn, arheologııasyn zertteýge úles qosyp júr.
Atyraý oblystyq máslıhaty bıyl 24 mamyrdaǵy sessııasynda arheologke osyndaı eńbegi úshin Atyraý oblysynyń qurmetti azamaty ataǵyn berýge sheshim qabyldady. Qurmetti ataqty Atyraý oblysynyń ákimi Serik Shápkenov tapsyrdy.
Zeınolla Samashev arheologııa salasyndaǵy jumysyn Sh.Ýálıhanov atyndaǵy Tarıh, arheologııa jáne etnografııa ınstıtýtynda bastaǵan. Osy ınstıtýttyń alǵashqy arheologııa, odan soń Á.Marǵulan atyndaǵy Arheologııa ınstıtýtynyń ejelgi óner bólimine jetekshilik etken. Qazir Á.Marǵulan atyndaǵy Arheologııa ınstıtýtynyń bas ǵylymı qyzmetkeri bolyp jumys isteıdi.
Arheologtiń negizgi zertteý nysany – Qazaqstan men Orta Azııanyń ejelgi jáne orta ǵasyrlardaǵy arheologııasy, tarıhy, mádenıeti men óneri. Onyń avtorlyǵymen 100-den asa ǵylymı jumysy Reseı, QHR, Fransııa, AQSh-ta jaryq kórgen. Al 2017 jyly Berel qorǵanyn ashqan arheologııalyq topqa jetekshilik etti. Shyǵys Qazaqstan oblysynyń Qatonqaraǵaı aýdanyndaǵy bul qorǵannan áıel baskıiminiń, tony men belbeýiniń qaldyǵy tabylǵan. Oǵan qosa eki attyń qaldyǵy shyqqan.
«Qorǵan tonalǵan. Al aqsúıek áıel bizdiń zamanymyzǵa deıingi III ǵasyrdyń basy men IV ǵasyrdyń aıaǵynda ómir súrgen bolýy múmkin», deıdi Z.Samashev.
Atyraý oblysy