Biryńǵaı jınaqtaýshy zeınetaqy qory keıingi kezderi qyzmetkerleriniń atyn jamylyp, salymshylarǵa qońyraý shalyp, aldap-soǵatyn alaıaqtar kóbeıgenin eskertti, dep jazady Egemen.kz.
Qor baspasóz qyzmetiniń málimetinshe, alaıaqtar azamattardyń esepshoty men jeke derekterine qol jetkizý úshin túrli tásilderdi qoldanýǵa kóshken.
Dálirek aıtqanda, alaıaqtar salymshylar men alýshylarǵa Qor qyzmetkerleriniń atynan qońyraý shalyp, zeınetaqy aýdarymdary qate jasalǵanyn aıtyp, bólimshege barýdy usynady. Ol úshin kezekti elektrondy túrde brondaýǵa kómektesemin dep SMS-ke jaýap berýdi ótinedi. Budan keıin alaıaqtar telefonǵa kelgen talon nómirin nemese kodty atap, rastaýdy suraıdy. Osylaısha olar salymshynyń banktegi shottary men jeke derekterine qol jetkizedi.
«BJZQ qyzmetkerleri azamattarǵa qońyraý shalmaıdy. Sondyqtan qyraǵy bolyp, bógde adamdarǵa eshqandaı kodty aıtpańyz, beıtanys siltemelerge ótpeńiz», delingen Qor habarlamasynda.
BJZQ usynǵan jeke aqparatty qorǵaý ádisteri:
Kodtaryńyz ben qupııasózderińizdi eshkimge, eshqashan aıtpańyz; Aqparatty resmı arnalardan tekserińiz; Sizge áldekim BJZQ atynan qońyraý shalsa, tutqany qoıyp, tikeleı Qorǵa habarlasyńyz. Qarjylyq jáne zeınetaqy qyzmetterin alý úshin kómek kórsetýge ýáde beretin deldaldardyń qyzmetterin paıdalanbańyz.