Sybaılas jemqorlyqqa qarsy is-qımyl agenttigi Almaty, Astana qalalarynda kásipkerlerden iri kólemde para almaq bolǵan Qarjy mınıstrliginiń laýazymdy qyzmetkerlerin ustady, dep jazady Egemen.kz.
Almaty, Astana qalalarynda qylmysy áshkerelengen Qarjy mınıstrliginiń basqarma basshylary kásipkerlerden zańsyz aqsha almaq bolǵan.
Antıkor aqparatynsha, kúdiktiler kompanııaǵa 570 mıllıon teńge salyqtyń negizsiz qosymsha eseptelýi, tolyq somasyna azaıtylýy shartymen deldal arqyly osy kompanııanyń ókilimen baılanysqa shyqqan. Olar aldaǵy ýaqytta osy máseleni sheshý syltaýymen 68 mln teńge somasynda aqsha alyp jatqan kezde ustalǵan.
Sottyń sanksııasymen kúdiktiler elektrondy baqylaý quraldaryn qoldana otyryp, «úı qamaǵyna» alynǵan.
Sondaı-aq vedomstvonyń basqa laýazymdy tulǵalarynyń bul qylmysqa qatysy bar-joǵy tekserilip jatyr.