Pákistannyń ońtústik-batysyndaǵy Belýdjıstan provınsııasynda sodyrlardyń jeke kómir shahtasyna jasaǵan shabýyly saldarynan 20 kenshi qaza taýyp, taǵy jeteýi jaralanǵan, dep habarlaıdy Egemen.kz Reuters agenttigine silteme jasap.
Reuters agenttiginiń habarlaýynsha, sodyrlar shahta jumysshylaryn bir jerge jınap, keıin olarǵa oq jaýdyrǵan. Shabýylshylar taý-ken tehnıkasyn da órtep jibergen.
«Bir top adam tańda Dýkı aýdanyndaǵy «Djýnaıd» kómir kompanııasynyń shahtalaryna aýyr qarýmen shabýyl jasady», dedi polısııa bólimshesiniń ofıseri Hýmaıýn Han.
Sarapshylar bul shabýyldyń sońǵy aptalardaǵy eń soraqysy ekenin jáne elde Shanhaı yntymaqtastyq uıymynyń Eýrazııalyq tobynyń sammıtin ótkizýge birneshe kún qalǵanda jasalǵanyn málimdedi.
Sonymen qatar, Belýdjıstan birneshe ondaǵan jyldar boıy belýdjdik búlikshi toptarynyń memleketke qarsy soǵysyp jatqanyna alańdaýly.