Talǵardaǵy qaıǵyly oqıǵa kezinde qaza tapqan Sherzat Bolattyń úıi órtenip ketti, dep habarlaıdy Egemen.kz.
Bul týraly aldymen áleýmettik jelide habarlana bastady.
Zardap shekkender men qaza tapqandar joq. Kýágerlerdiń sózinshe, úı tutas órtenip ketken.
Bul derekke Polısııa departamenti jaýap berdi.
12 qazanǵa qaraǵan túni Eńbekshiqazaq aýdany Azat aýylyndaǵy úılerdiń birinde órt boldy.
Bótenniń múlkin qasaqana joıý deregi boıynsha polısııa qylmystyq is qozǵady.
Tergeý aıasynda kýágerlerden jaýap alynyp jatyr, sondaı-aq beınebaqylaý kameralarynyń jazbalary alyndy.
Qazirgi ýaqytta oqıǵanyń mán-jaıy anyqtalyp jatyr.
«Kelip túsken aryzǵa sáıkes, 4 qazanǵa qaraǵan túni Talǵar aýdanynda qaza tapqan kámeletke tolmaǵan balanyń otbasy kúzetpen qamtamasyz etilgen. Otbasynyń turǵylyqty jeri boıynsha qaýipsizdikti qamtamasyz etý úshin polısııa qyzmetkerleriniń tarapynan táýlik boıy kezekshilik uıymdastyryldy», delingen IIM habarlamasynda.