Bul týraly Kólik mınıstrligi málimdedi, dep habarlaıdy Egemen.kz.
Shyǵys Qazaqstan oblysyndaǵy Buqtyrma sý qoımasy arqyly ótetin uzyndyǵy 1 myń 316 metrdi quraıtyn eki jolaqty kópir qurylysyn tekserý úshin jalpy júktemesi 450 tonnany quraıtyn 15 júk kóligi tartyldy. Aıta ketsek, bul – Qazaqstandaǵy eń uzyn kópir. Arnaıy qurylǵylar atalǵan kópirdegi deformasııa, diril (vıbrasııa), júktemeni bólý kórsetkishterin tirkep aldy.
Synaq nátıjeleri Buqtyrma sý qoımasy arqyly ótetin jańa kópirdiń barlyq normatıvtik qaýipsizdik talaptaryna sáıkestigi jáne zor júktemelerge tótep bere alatynyn rastady.
Atalǵan eki jolaqty kópir ShQO-nyń Jarma, Katonqaraǵaı, Kúrshim, Kókpekti, Zaısan, Altaı aýdandary arasynda kólikterdiń jyl boıy úzdiksiz júrýi úshin qajet.