Jetisý oblysynyń prokýrorlary aýdandyq turǵyn úı-kommýnaldyq sharýashylyq bóliminiń basshysy men merdiger uıym dırektoryna 74 mıllıon teńgeden astam aqshany urlady degen aıyp taqty, dep habarlaıdy Egemen.kz.
Prokýratýranyń málimetinshe, Sarqan aýdandyq turǵyn úı kommýnaldyq sharýashylyǵy bóliminiń basshysy men merdiger uıymnyń dırektory týrısttik obektilerdegi sanıtarlyq-gıgıenalyq toraptardy ornatýǵa arnalǵan 74,7 mln teńge bıýdjet qarajatyn jymqyrǵan.
«Prokýrorlyq tekseris, obekt iske qosylmaǵanyn, al bólingen qarajat shyǵyndalyp ketkenin kórsetti. Sarqan aýdanynyń prokýratýrasymen sotqa deıingi tergep-tekserý bastalyp, is sotqa deıin jetkizildi. Sot úkimimen aýdandyq turǵyn úı kommýnaldyq sharýashylyǵy bóliminiń basshysy men merdiger uıymnyń dırektory túrli merzimdegi bas bostandyǵynan aıyrý jazalaryna sottaldy», delingen habarlamada.
Sot úkimi zańdy kúshine engen joq.