Afrıkada maımyl shesheginen qaıtys bolǵandar sany myńnan asqan. Bul týraly Afrıkanyń aýrýlardy baqylaý jáne aldyn alý ortalyǵynyń basshysy Jan Kaseıa málimdedi, dep habarlaıdy Egemen.kz TACC agenttigine silteme jasap.
Jan Kaseıanyń málimetinshe, sońǵy bir aptada osy indetten 50 adam qaıtys bolǵan. Sondaı-aq ol jaǵdaıdyń baqylaýdan shyǵyp bara jatqanyn aıtyp, halyqaralyq seriktesterdi kómekke shaqyrdy.
«Biz bul indetpen kúresýdi jalǵastyryp jatyrmyz jáne onyń barlyq Afrıka elderine taralýyn qalamaımyz. Biz tıimdi áreket etý úshin ýádelerdi naqty qarjylyq quraldarǵa tez aınaldyrýymyz kerek», dedi Jan Kaseıa.
Aıta keteıik, Afrıkanyń CDC jáne Dúnıejúzilik densaýlyq saqtaý uıymy usynǵan alty aılyq jospardyń boljamdy bıýdjeti shamamen 600 mıllıon dollardy quraıdy, onyń 55% qazirdiń ózinde bólingen.
Sonymen qatar Zambııa men Zımbabve osy aptada maımyl sheshegin juqtyrý jaǵdaılarynyń bar ekenin rastaǵan, al Kenııada vırýstan alǵashqy ólim tirkelgen. Bul rette Rýanda men Kongo elderinde indetke qarsy vaksınasııa bastalǵan.
Jyl basynan beri Afrıkada maımyl sheshegin juqtyrǵandardyń jalpy sany 42 myńnan asqan.