Aqtaý qalasynyń turǵyny terrorıstik akt jasamaq bolǵany jáne terrorızmdi nasıhattaǵany úshin bas bostandyǵynan aıyryldy, dep habarlaıdy Egemen.kz Ulttyq qaýipsizdik komıtetiniń baspasóz qyzmetine silteme jasap.
UQK habarlaýynsha, 19 qazanda Aqtaý qalasynyń turǵynyna qatysty terrorıstik akt jasamaq bolǵany jáne terrorızmdi nasıhattaǵany úshin úkim zańdy kúshine engen. Aqtaý qalalyq soty jergilikti turǵyndy 18 jylǵa bas bostandyǵynan aıyrǵan.
Ol zorlyq-zombylyq jasaý úshin jarylǵysh qurylǵyny jasaýǵa qajetti quramdastardy, onyń ishinde joıǵysh elementterdi – bolttar men shegelerdi satyp alǵany anyqtalǵan.
Shabýyl nysany retinde Mańǵystaý oblysyndaǵy memlekettik mekemelerdiń ǵımarattaryn tańdap, ony foto-beıne jazba arqyly zerttegen.
Aıta keteıik, sottalýshy buryn adam óltirgeni úshin sotty bolǵan.