Qorǵanys mınıstrligi joǵary oqý oryndarynda tegin oqýǵa grant jeńip alǵan merzimdi qyzmet áskerıleriniń tizimin jarııalady, dep jazady Egemen.kz.
Mınıstrlik málimetinshe, bir jarym myń orynǵa 2023 jylǵy kúzde áskerge shaqyrylǵan merzimdi qyzmettiń 17 927 sarbazy úmitker bolǵan.
Konkýrsqa Qorǵanys mınıstrliginen 8 169, Ulttyq ulannan 6 441, Tótenshe jaǵdaılar mınıstrliginen 315, Shekara qyzmetinen 2 715, Memlekettik kúzet qyzmetinen 287 sarbaz qatysqan.
Aıta keteıik, «Srochnıkı 2.0» aqparattyq júıesi irikteýdiń ashyqtyǵyn qamtamasyz etken.
Bilim berý jeńildikterine ıe bolǵan áskerı qyzmetshilerdiń tolyq tizimin myna siltemege ótip kórýge bolady.